25/01/2012 DATORREN IGANDEAN SEKULAK0 LEHIA IZANGO DA

Desafio ikusgarria, ikusle eta zaletuen gozamenerako.

 

Tanui-k duela gutxi, Elgoibarren irabazi zuen, 21 urterekin, Ihaz txapeldun-orde izan zen Punta Humbrian izandako munduko txapelketan, pistako mundu txapelketan  10.000 metrotan bederatzigarren izan zen eta 2010ean Keniako Cross txapelduna. Rotich ere, nahiz eta oso gaztea izan, korrikalari aparta da.

 

Hala ere, ez dute erraztasunik topatuko, beraiekin batera, lehia gogorrean, beste hainbat korrikalari sendo izango bait dituzte. Hala, Donostian irabaztea zer den badakien Josphat Kiprono Menjo ere tartean izango da (2008 eta ihazko txapelduna). Baita Mike Kigen 2010 ean Donostian txapeldun izandakoa; edota Titus Mbishei 2009ko Munduko Junior Txapelketan zilar domina lortutakoa.

 

Korrikalari europarren artean bi dira nabarmentzekoak, Joseph Sweeney Irlandarra 2011ko Europako txapelketan bosgarren izandakoa eta Mohktah Benhari Frantziarra txapelketa berean  taldekako txapelduna.

 

Estatuko korrikalariak ere saiatuko dira ezustekoa ematen. Sergio Sánchez, 2010-ean  Doha-ko Munduko Indoor txapelketan 3000 metrotan bigarren, Ivan Fernandez, 2009, 2010 eta 2011-ko Euskadiko Cross txapelduna eta Daniel Pérez 2011-n Haron jokatutako Espainiako Cross txapelketan 18.

 

Emakumezkoen artean ere oso maila altua izango da, Afrikar ugari izango bait dira zer esana ematen.

 

Guztien artean nabarmentzekoa Priscah Jepleting Keniarra, 10.000metrotan ihaz izandako Munduko Txapelketan, Daegun, laugarren egindakoa. Irteeran ere , bere ondoan, Amorebietako Cross-a irabazi berri duen Eritrea.ko Nazaret Weldu izango da. Eta bi hauei gauzak zailtzeko asmotan ihazko Behobia- Donostia-ko irabazlea etorri da, Trihas Gebre Etiopia-rra.

 

Estatuko lasterkarien artean, aipatu, Marta Dominguez, Nuria Fernández eta Judith Plá.

 

 

Aurten, eragingarri berezi bezala, aipatu, Cross Internazionalarekin batera Euskadiko Txapelketa izango dela jokoan. Gogor ari dira entrenatzen Euskadiko korrikalari onenak, izan ere, txapelketa baliagarria izango bait da martxoan Gijon-en jokatuko den Espainia-ko txapelketarako. Faboritoen artean Ivan Fernandez dugu, 2009, 2010 eta 2011ko Euskadiko Cross Txapelduna. Gasteiztarrak sekulako denboraldia egin zuen ihaz (22. Dublin-go Europarrean -erdi gaixorik- Arabako errekor absolutoa 1500 metrotan eta Espainiako txapeldun 5000metrotan, sub-23.)

 

Euskal Herriko talde onenetako emakumezkoen artean ere borroka latza izango dugu. Irabazle gertatzeko aukera ugari izango du Iraia Garciak, Elgoibarren lasterketa bikaina egin ondoren bait dator.